Адляцелі першыя электроны

У чаканні рэзкага старту новай версіі Вялікага адроннага калайдара можна разагрэцца навінамі пра першыя паскарэнні часціц у польскім паскаральніку — сінхратроне SOLARIS, які будуецца на тэрыторыі кампуса Ягелонскага ўніверсітэта. Прылада ўжо выпраменьвала электронныя пучкі ў рамках першых выпрабаванняў.

Сінхратрон SOLARIS – самая сучасная прылада такога тыпу ў Польшчы. Ён генеруе пучкі электрамагнітнага выпраменьвання ў дыяпазоне ад інфрачырвонага да рэнтгенаўскага. У цяперашні час навукоўцы назіраюць за пучком электронаў непасрэдна перад уваходам у першую паскаральную структуру паскаральніка. Пучок, які выпускаецца з электроннай гарматы, мае энергію 1,8 МэВ.

У 1998г. Навукоўцы з Інстытута фізікі Ягелонскага ўніверсітэта і AGH выступілі з ініцыятывай стварыць Нацыянальны цэнтр сінхратроннага выпраменьвання і пабудаваць сінхратрон. У 2006 годзе Міністэрства навукі і вышэйшай адукацыі атрымала заяўку на будаўніцтва ў Польшчы крыніцы сынхратроннага выпраменьваньня і стварэньне Нацыянальнага цэнтру сынхратроннага выпраменьваньня. У 2010 годзе было падпісана пагадненне паміж Міністэрствам навукі і вышэйшай адукацыі і Ягелонскім універсітэтам аб суфінансаванні і рэалізацыі праекта будаўніцтва сінхратрона ў рамках Аператыўнай праграмы інавацыйнай эканомікі на 2007-2013 гг. Сінхратрон у Кракаве будуецца ў цесным супрацоўніцтве з цэнтрам сінхратронаў MAX-lab у Швецыі (Лунд). У 2009 годзе Ягелонскі ўніверсітэт падпісаў пагадненне аб супрацоўніцтве са шведскай лабараторыяй MAX-lab пры ўніверсітэце Лунда. У рамках гэтага пагаднення будуюцца два двайныя цэнтры сінхратроннага выпраменьвання ў Польшчы і Швецыі.